ԵՊԲՀ. Ուսանողական ամուր թիկունք.

Պատերազմի առաջին օրվանից սկսած բժշկական համալսարանի ուսանողներն ամուր թիկունք կազմեցին և ակտիվորեն ներգրավված են եղել տարբեր աշխատանքներում և մինչ օրս էլ շարունակում են կատարել իրենց առաքելությունը: Այս ծանր և պատասխանատու օրերի ընթացքում բժշկական համալսարանի ուսանողների աշխատանքն ամփոփենք թվերով՝

 ԵՊԲՀ-ի 350 ուսանող անցել է առաջին բուժօգնության արագացված դասընթացներ՝ ձեռքբերված գիտելիքները վերհիշելու և անհրաժեշտության դեպքում օգտագործելու նպատակով: Արագացված բուժօգնության դասընցնթացներին մասնակցել են նաև այլ բուհերի ուսանողներ:

Շուրջ 80 ուսանողներ մասնակցել են եռօրյա արագացված դասընթացներին՝

• բուժծառայության կազմակերպում և մարտավարություն,
• հրաձգություն,
• ռազմադաշտային վիրաբուժություն թեմաներով:

Մինչ օրս շուրջ 400 ուսանող նվիրաբերել է իր արյունը,դառնալով արյան դոնոր:

Համալսարանական հիվանդանոցներում այս օրերին կամավոր հիմունքներով հերթապահել է շուրջ 500 ուսանող:

ԵՊԲՀ ուսանողների միասնական ջանքերով մեծաքանակ օգնություն (սնունդ, դեղեր, հագուստ,անհրաժեշտ պարագաներ) է ուղարկվել առաջնագիծ, հիվանդանոցներում բուժում ստացող զինվորներին և Արցախից ժամանած ընտանիքներին:
   

Արցախից ժամանած պատանիների համար կազմակերպվել է COVID 19-ից ճիշտ պաշտպանվելու վերաբերյալ իրազեկման միջոցառումներ:

Նշենք, որ առանձնահատուկ ծանր ու պատասխանատու աշխատանք են կատարել ԵՊԲՀ քոլեջի ուսանողները։

Հարցեր, պատասխաններ, մեկնաբանություններ